ОСКУОЛА ХАҺААЙЫСТЫБАННАЙ ҮЛЭТЭ

 

Оскуола хаһаайыстыбаннай үлэтин 2004с. Дьячковскай П.Н. салайар. Оскуолаҕа 50-ан тахса  араас үлэьит: механизатор, харабыл, повар, кондитер, медицинскэй үлэһит, рабочай, уборщица, гардеробщица, иһит сууйааччы, электрик, сантехник - оскуола ис-тас өттө тупсаҕай, ыраас, сылаас буоларыгар бары кыһамньыларын ууран үлэлииллэр.

 2010с. оскуола «Уют и порядок начинается со двора» проегынан улуустааҕы конкурска кыттан, анал гранынан наҕараадаламмыта.

Оскуола оҕо доруобуйатын харыстааһыҥҥа былааннаах үлэни ыытар. 1996с. стоматологическай кабинет тэриллэн үлэлиир.

Оҕолору итии аһылыгынан хааччыйыыга анаан, 130 миэстэлээх остолобуой үлэлиир, остолобуой оборудованиета былааннаахтык саҥардыллар. Сэбиэдиссэй Н.М. Захарова 4 повары, 1 кондитеры, 4 иһит сууйааччыны салайан, ас арааһыгар, иҥэмтэлээҕэр болҕомто ууран үлэлииллэр.

  

 

 

 

  Аҕыс оһоҕу отторум уонна муоста сууйарым

Мин Чурапчы 8 кылаастаах оскуолатыгар 1958с. техүлэһитинэн киирбитим. Директорынан Г.Г. Кардашевскай үлэлиирэ. Кэнники музыкальнай оскуола буолан турбут дьиэ начальнай оскуола этэ. Бу дьиэ урут оһоҕунан оттуллан ититиллэрэ, 8 оһохтоо5о. Бу аҕыс оһох оттуллар маһын барытын бэйэм соҕотоҕун хайытан, мас салаасканан киллэрэн, күҥҥэ иккитэ - сарсыарда, киэһэ оттор этим. Түүн 3-4 чаастан саҕалаан оттон, эбэн, сарсыарда оҕолор үөрэнэ кэлиэхтэрин иннинэ оһохторбун сабарым. Бу оскуола муостатын эмиэ сууйарым. Оннук ыарахан үлэни үлэлээн кэлбитим. Пенсияҕа 1984с. тахсан да бараммын, салгыы 1989с. алтынньы ый  31-гэр диэри оскуолаҕа үлэлээбитим. Ол саҕана директорынан В.М.Неустроев үлэлиирэ. Yтүө суобастаахтык үлэлээн, «Ветеран труда» медалынан наҕараадаламмытым, элбэх грамоталаахпын. 1994-1995сс., директорынан А.Е. Петров үлэлиир кэмигэр эмиэ Чурапчы орто оскуолатыгар үлэлии сылдьыбытым.

Клавдия Семеновна Николаева- Хоютанова.

 

ЫРААҺЫ, СЫЛААҺЫ ХААЧЧЫЙАР ТУТААХ ҮЛЭҺИТТЭР

 

Мин С.А. Новгородов аатынан Чурапчы орто оскуолатыгар 1996с. үлэлиибин. Бу үлэлиир кэммэр элбэх учууталы, техүлэһити кытта алтыһан кэллим. Киирэрбэр директорынан В.Н.Коркин, завхоһунан Г.Г. Монастырев үлэлииллэрэ.

Ити бириэмэҕэ бииргэ үлэлээбит коллегаларым Обутова Мария, Никонова Прасковья, Филиппова Анна, Игнатьева Анна, Карпова Катя, Потапова Марфа уонна да атыттары кытта наһаа үчүгэйдик, иллээхтик үлэлээбиппит. Василий Николаевич биһиэхэ наһаа ирдэбиллээхтик уонна эйэҕэстик сыһыаннаһара. Яковлева Клара Петровна техүлэһиттэри табатык уонна сатабыллаахтык салайара. Бэйэтэ  каникул бириэмэтигэр ыытыллар генеральнай уборкаҕа тэбис-тэҥҥэ сууйсара. Оннооҕор тиийиммэт-түгэммэт ыалларга, дьиэтиттэн аҕалан, үрүҥ ас да биэрбитэ эмиэ баар буолара. Сылга хайаан да Бэстээххэ баран, чэпчэки сыанаҕа оптовайтан атыылаһан кэлэрбит. Онтон аҕыйах сыл буолан баран, икки үлэҕэ үлэлээбитим. Соҕотоҕун уолбун иитэр буоламмын, хас да сыл вахтаҕа, вешалкаҕа эмиэ үлэлээбитим. Ити  үлэм бастакы чааһа буолара, онтон киэһэ кылаас сууйарым. Оччолорго Макарова Людмила, Лебедева Сардаана, Мыреева Марфа миигин кытта бииргэ үлэлээбиттэрэ.

Директорбыт Т.В. Павлова, завхозпут П.Н.Дьячковскай, техүлэһиттэр салайааччыбыт Каженкина М.Т. үлэлиир усулуобуйаны тупсарыыга улахан болҕомтолорун уураллара. Бу бириэмэҕэ  эдэр үлэһиттэри кытта бииргэ үлэлээтим. Холобур: Карпова Маргарита, Дьячковская Светлана, Кузьмина Ньургустана, Петрова Люция, Гуляева Дуся уо.д.а. Бу үлэһиттэр чахчы үлэлиир баҕалаах, эрчимнээх кыргыттар диэн бэйэм сыаналыы саныыбын. Оскуолабыт сылга иккитэ Саҥа Дьылга, ыһыахха техүлэһиттэр үлэлэлэригэр түмүк таһааран, кыайыылаахтары наҕараадалыыра олус үөрүүлээх буолара. Сыралаһыыбыт, кыһамньыбыт   сыаналанара өссө таһаарыылаахтык үлэлииргэ көҕүлүүрэ.  Онтон Мария Тарасовна Каженкина салалтатынан саас эбэтэр кыһын хайаан да  автобуһунан күүлэйдээн, үгэс быьыытынан оптовайдаһан кэлэбит.  Оскуолабар махталым муҥура суох. Өссө да үүнэ-сайда турдун.

Анна Алексеевна Макарова, 28.11.2012

 

МОИ ВОСПОМИНАНИЯ О РАБОТЕ В РОДНОЙ ШКОЛЕ

 

Чурапчинскую среднюю школу окончила в 1966 году (11 класс с производственным обучением), со специальностью – воспитатель.

Затем 2 года по комсомольской путевке проработала дояркой  в совхозе «Субурусский», в селе Кытанах.

1968 году поступила на работу библиотекарем в родную школу, где проработала до 1977 года. Затем год работала лаборанткой в кабинете химии. А с мая месяца, 1978 года, назначена секретарем-делопроизводителем школы. В этой должности проработала до 2005 года.

 Долгие годы добросовестно работали наши технички: Пинигина П.П., Васильева Е.С., Николаева К.С., Николаева А.И., с пониманием и уважением относились к нам наши заместители директора по АХЧ такие как, Михайлов И.П., Пинигин П.П., Корякин Н.Н., Монастырев Г.Г., Дьячковский П.Н.

С особым уважением и словами благодарности хочется отметить моих директоров, с которыми мне довелось долгие годы работать в школе. Это Неустроев В.М., Коркин В.Н., Павлова Т.В.

Работа и уважение в коллективе зависит только от себя и от того, как мы относимся к людям, так и они к нам.

Клара Петровна Яковлева, ветеран труда   

 

ИТИИ АҺЫЛЫГЫНАН ХААЧЧЫЙАБЫТ

1997с. атырдьах ыйын 25 күнүттэн оскуола буфетыгар сэбиэдиссэйинэн үлэлиибин. Манна үлэлии кэлэрбэр Толстоухова Валентина Афанасьевна бэйэтин оннугар үлэҕэ ыҥырбыта. Үөрэхпин бүтэрэн кэлэрбэр Валентина Афанасьевна киин остолобуой сэбиэдиссэйэ этэ, миэхэ кини сүбэһит, наставник буолбута.

  Оскуола историятын аахтахха, 1947с. «школьный ларек» тэриллэн, онно «буфетчик» диэни тутан үлэлэппиттэр. 1949 сылтан интернакка повар көрүллүбүт. 1963-1969сс. «повар-сторож школы с продленным днем» диэн үлэһит көрүллүбүт. Кэнники сылларга райпо үлэһит көрөн, райпоттан кэлэн повардар үлэлээбиттэр. Дьэ, онтон 1993с. сэтинньи 1 күнүнээҕи быһаарыытынан остолобуой үлэһиттэрэ УНО бас билиитигэр киирэн, оскуола бэйэтин үлэһиттэрэ буолбуттара.  Онно Максимова Анастасия Афанасьевна, Гурьева Варвара Николаевна, Кузьмина Таисия Абдулзьяновна, Дьяконова Светлана Иннокентьевна буолан үлэлээбиттэр.

Мин үлэҕэ киирэрбэр директорынан В.Н. Коркин үлэлиир этэ. Таас оскуола оҥоһуута ситэтэ суоҕунан, итии-тымныы уунан толору хааччыллыы суох этэ. Үөрэнээччилэр бары күн аайы итии аһылыгынан босхо хааччыллаллара. Оччолорго 800-н тахса оҕо үөрэнэрэ. Поварынан Максимова Вера Дмитриевна, Лазарева Раиса Владимировна, иһит сууйааччынан Оконешникова Альбина Семеновна үлэлээбиппит. Вера Дмитриевна киин остолобуойга поварынан өр сылларга үлэлээбитэ. Пенсияҕа тахсыаҕыттан оскуола буфетыгар бастаан поварынан, онтон кондитерынан үлэлээбитэ. Кини биһиэхэ эдэр үлэһиттэргэ элбэх сүбэ-ама биэрэрэ, күүс-көмө буолара. Муус уутунан туттарбыт, иһит эмиэ муус уутунан сууллара. Инньэ гынан күһүн аайы үтүмэн элбэх муус наада буолан, оскуола эр дьоно, улахан кылаас оҕолоро субботниктаан ылаллара, тиэйэн аҕалаллара. Ити киирбит муус дьиэҕэ киллэриллэн, анньыллан, ирэн,  иһит сууйуллан, уута илиинэн барыта төттөрү тахсара. Инньэ гынан рабочай элбэх үлэни көрсөрө. Ити кэмҥэ билигин да оскуолаҕа үлэлии сылдьар Кожуров Роман Егорович буфекка рабочайдаабыта. Билигин толору хааччыллыы. Кырааҥҥа итии-тымныы уу баар буолан, канализация үлэлиир буолан, ити түбүктээх  кэмнэри элбэхтэ санаан ааһабыт.

  Оскуолабыт 1994с. 678 оҕо үөрэнэр миэстэлээх таас дьиэ буолан тутуллубута. 2004с. директор Т. В. Павлова элбэх сүүрүүтүн-көтүүтүн түмүгэр, оскуолаҕа капитальнай ремонт ыытыллан, билигин барыта толору үлэлии турар.

Уһуннук үлэлээбиттэртэн ааттыахпын баҕарабын Романова Татьяна Прокопьевнаны, кини 2001с. поварынан үлэлиир. 2012с. оскуолабыт 140 сыллаах юбилейыгар үчүгэй, таһаарыылаах үлэтин иһин вице-президент Глушко махтал суругун ылбыта. Сивцева Анисия Кирсановна 2002с., Сивцева Прасковья Ильинична 2004с. буфекка иһит сууйааччынан үлэҕэ киирбиттэрэ. Кинилэр эмиэ быйылгы юбилейдаах сылбытынан үчүгэй үлэлэрин иһин үөрэх министерствотын махтал суругунан, улуустааҕы үөрэх управлениетын профсоюһун махтал суруктарынан наҕараадаламмыттара.

Саха Республикатын президенин 25.09.2009 с. №1735 укааһыгар «О компенсационных выплатах на питание учащихся из малообеспеченных семей Республики Саха (Я)» олоҕуран, 2011-12 үөрэх дьылыгар элбэх үөрэнээччи итии аһылыгынан хааччылынна. Оскуолаҕа итии аһылык тэрээһинигэр билигин улахан болҕомто ууруллар буолла. Федеральнай эксперименинэн итии аһылыгы икки төгүллээн аһатар системанан үлэлээбиппит 2 сылыгар барда, манна үөрэнээччи 90% хааччылынна. Бүгүҥҥү ирдэбилгэ сөп түбэһиннэрэн, оскуола итии аһылыгы тэрийэргэ саҥа сүүрээннэри, схемалары көрдүүр, ол курдук итии аһылыгынан хааччыйыыга үөрэнээччигэ сааһынан, саҥа схемалар, менюлар тупсарыллаллар, оборудование саҥардыллар. Оҕо доруобуйатын тупсарарга, ас калорийын ааҕан, бүлүүдэлэр  битэмииннэрин бигэргэтиллибит менюнан ааҕан-суоттаан оскуола медицинскэй үлэһитэ иилээн-саҕалаан ыытар.

2009с. «Оборудование» национальнай проегынан биһиэхэ эбиэттиир саалаҕа мебель, оборудование - электрическэй оһох, холодильник, жарочнай оһох, пищеварочнай котел кэлбиттэрэ.

Быйылгы үөрэх дьылыгар оскуола бэйэтэ эбии саҥа оборудование атыыласта. Ол курдук, пароконвектомат, овощерезка, картофелечистка, холодильнай шкаф. 2011-2012сс. үөрэх дьылыттан начальнай оскуола холбоһон, икки сменанан 11 буолан үлэлии олоробут: Захарова Нюрбина Михайловна – сэбиэдиссэй, Обутов Григорий Григорьевич – кондитер, Романова Татьяна Прокопьевна, Капитонова Анджела Андреевна, Моттуева Агафья Афанасьевна – повардар, Сивцева Прасковья Ильинична, Сивцева Анисия Кирсановна, Эверстова Татьяна Дмитриевна, Новгородова Наталья Ильинична – иһит сууйааччылар, Эверстова Надежда Константиновна – уборщица, Шамаев Михаил Николаевич - рабочай.Оҕо доруобуйата аһылыгыттан эмиэ тутулуктааҕын өйдөөн, биир сүбэнэн иҥэмтэлээх аһынан хааччыйарга остолобуой үлэһиттэрэ бары сыралаһан үлэлиибит.

         

                                                                     Нюрбина Михайловна Захарова,  остолобуой сэбиэдиссэйэ

 

 

  БУХГАЛТЕРИЯ ШКОЛЫ

Бухгалтером школы с 25.08.1957г. по 01.08.1971 г. работала Постникова Анна Егоровна.   С семидесятых годов бухгалтерия присоединена к централизованной бухгалтерии управления образования по Чурапчинскому району. В 1995 году бухгалтерия школы отделилась от централизованной     бухгалтерии управления образования. Главным   бухгалтером был назначен Ефремов Афанасий Михайлович, расчётным    бухгалтером - Софронова Татьяна Николаевна, бухгалтером-кассиром Степанова Татьяна Афанасьевна.

           В разные годы  работали Рожина Светлана Власьевна, Павлова Раиса Семеновна,

Бомбоева Вера Павловна.


          В настоящее время работают главным бухгалтером Ноева Анна Михайловна, ведущим бухгалтером Федотова Марина Феоктистовна, материальным бухгалтером Федулова Анна Филипповна.

        

    

1995-1996гг. работники бухгалтерии:           Ноева Анна Михайловна,

Ефремов Афанасий Михайлович,                 Федотова Марина Феоктистовна,

Степанова Татьяна Афанасьевна,                  Бомбоева Вера Павловна

Софронова Татьяна Николаевна